Mostrando entradas con la etiqueta Xogade. Mostrar todas las entradas
Mostrando entradas con la etiqueta Xogade. Mostrar todas las entradas

viernes, 10 de mayo de 2019

Xornada de xogos populares. CEIP Pepe Xan de Baña. 10.04.19

Dentro do proxecto deportivo de centro, o multideporte entre os coles da zona, compartir xornadas deportivas variadas e de interese diverso entre o alumando, fomos convidados a acudir en abril ao cole de Santa Comba, o CEIP Pepe Xan de Baña.

En xornada de mañán e con alumnado de 3º a 6º EP, participamos na distribución que eles tiñan preparada, con varias estacións e vivenciando o xeito de organización da que disfrutan nos recreos.
Contan con un proxecto, digno de estudio e que xa recibiu mencións específicas pola súa calidade educativa, este é o DIVERTIPATIO.

Tanto dentro do cole como no pavillón e patios, fomos quen de pasar unha xornada moi amena e satisfactoria.

Despois dunha merendiña de media mañán fixemos un circuito de bebidas colorantes con sabores, onde o alumnado tiña que acertar de que sabor era.




MOITAS GRACIAS COMPAÑEIROS/AS DE SANTA COMBA!!!

jueves, 14 de febrero de 2019

2º xornada multideporte ESO. Baio. 13.02.19

Primeira xornada de partidos a baloncesto, balonmán, volei e fútbol sala que disputan o alumnado  do CPI A Picota neste ano e agardamos que sexa o comezo de moitos de este tipo de eventos.

Resultou totalmente interesante para nós e quedamos moi contentos coa experiencia. Agora esperamos visitas de volta de outros coles e seguiremos con estes encontros.

Non temos marcadores finais, xa que aínda que había árbitros/as e si contabamos os tantos, non era o máis importante e non queda anotado marcador final. Se cadra,  máis adiante faremos sistema de competición.


jueves, 7 de febrero de 2019

1º Xornada de Multideporte. A Picota 2019

Comezou a actividade deportiva no CPI A Picota coa liga de coles e facendo esas xornadas de multideporte con outros centros da zona.

Elaborouse un calendario previo onde se anotaron os centros interesados e marcáronse catro datas, onde ás veces no noso centro e outras visitándoos,  os cursos de 3º, 4º, 5º e 6º practicarán os deportes de fútbol sala, baloncesto, balonmán e brillé.

Neste primeiro encontro, visitounos o colexio da Señora Inmaculada de Santa Comba e dado que o tempo era de chuvia, desprazámonos aquí ao lado para facer da pavillón da Picota, o noso espazo de encontro.

Os case 30 alumnos/as de 5º e 6º de ambos centros foron quen participou nesta ocasión. Foi un xoves 23 de xaneiro en xornada de 11 a 12: 30, xa que despois nos esperaba o comedor.

Vexan aquí nas fotos como foi a cousa, xa que estas imaxes contan máis que as nosas verbas.



miércoles, 11 de abril de 2018

PROMOCIÓN DO TENIS DE MESA

O AD ZAS, equipo de tenis de mesa que promove este deporte no pavillón da Picota  a través do Concello de Mazaricos, todos os martes e xoves de 18:00 a 19:30 prestouse voluntario para facer unha xornada de tenis de mesa.

Así desde primeira hora da mañán do venres 6 de abril, os alumn@s de 2º, 3º, 4º, 5º, 6º de Educación Primaria foron pasando por cursos a recibir as indicacións dos dous monitores do clube de Zas e disfrutar cos xogos i exercicios que estes lles propuxeron.

Canto máis avanzada era a idade dos participantes máis se complicaban as tarefas e máis esforzo a realizar. Isto motivounos para dar feito e ser os mellores, de aí que as tarefas fosen do seu interese e resultasen moi gratificantes.


GRACIAS  STEVO E MIGUEL

miércoles, 4 de abril de 2018

XORNADA MULTIDEPORTE INTERCENTROS CON BAIO. 2018

Martes 6 de febreiro, son as 10 da mañán e imos con toda a nosa ilusión do mundo ao centro Labarta Pose de Baio para xogar ao baloncesto, balonmán, fútbol sala e brilé.

A xornada de chuvia  provoca que xoguemos no pavillón deportivo e adaptemos os encontros ao espazo dispoñible.

Xornada para o alumnado apetecible, a cal esperamos repetir e continuar nos vindeiros anos.

Eles devolveron a visita e viñeron xogar ao noso pavillón o xoves 22 marzo e así todo alumnado de 3º, 4º, 5º, e 6º tiveron a oportunidade de practicar varios deportes en partidos e divididos por grupos.

Inesquecible xornada deportiva para estes alumnos da zona que se asocian para levar a cabo estes días de multideporte, de gran interese e riqueza social.

viernes, 5 de mayo de 2017

FASE INTERCOMARCAL DE ATLETISMO

Fomos o pasao sábado, 1 de abril a Noia para participar nas probas da fase intercomarcal de atletismo co CPI A Picota, tal e como vén sucedendo nestes últimos anos.

Dentro desta fase, hai varias datas onde os rapaces/zas son convocados en diferentes fins de semana segundo a categoría, pois os benxamíns (2007 e 2008) e alevíns (2006 e 2005) van nas mesmas datas e os infantís van noutras diferentes.

Un total de 12 atletas do noso centro decidiron ser valentes e probar as experiencias destas modalidades do atletismo, algunhas delas totalmente descoñecidas para moitos e que sucitou o interese por saber a normativa e o material de uso.

Participamos en disciplinas como lanzamento de peso, salto de lonxitude, carreiras de velocidade, de media distancia..., en definitiva, todas aquelas que a eles lles gustaban.

No tocante a tarde deportiva, esta dicurriu sen incidencias e co goce dos participantes, máis se cabe cando os resultados acompañaron pero sobre todo debemos destacar a excelente xornada de convivencia entre atletas, compañeiros, adestradores e o deporte nunha tarde soleada e que a ben seguro será de recordo para moitos dos nosos alumnos/as.






lunes, 16 de enero de 2017

XOGADE. CAMPO A TRAVÉS. A BAÑA 12.01.2017

Disputouse desta volta a fase comarcal de campo a través en A Baña, cun percorrido moi fermoso e indicado para estas idades. A carón do campo de fútbol marcaron un circuito delimitado polas cintas que guiaba perfectamente aos participantes ata completar a súa distancia e voltar a liña de saída que se convertía en chegada despois.

Un día nublado onde a chuvia non apareceu ata a parte final da competición, os nenos e neas puideron disfrutar deste deporte en toda a súa esencia, posto que a organización do evento permitíalles participar nas carreiras,por suposto, tamén visualizar as zancadas de outros compañeiros/as e ao mesmo tempo quentar e xogar libremente no campo de fútbol.

Na cita presentouse o equipo do CPI  A Picota con 51 alumnos/as de Primaria e 24 da ESO, acompañados por 5 mestres. Saímos do centro sobre as 10:00 hrs. chegando xusto xa para o comezo das probas e voltando ao cole sobre as 13:30 os de Primaria para o comedor escolar e sobre as 14:00 hrs. os alumnos/as de Secundaria, xa listos para rematar a xornada.

No tocante ao grado de satisfacción dos participantes, cremos que resultou do seu agrado a experiencia, de forma xeral e máis gratificante foi para aqueles corredores/as que lograron clasificarse para a vindeira fase intercomarcal de campo a través, a cal se celebrará na Serra de Outes o venres 27 de xaneiro.
 
Xa cos resultados e clasificados no noso poder, informamos de que acudiremos a Outes con 11 atletas, case que un por categoría de base e un equipo en Infantil femenino. Nas categorías de maiores (cadetes) non logramos clasificarnos.

Noraboa a tódolos atletas e coma sempre, convidámolos a seguir practicando este deporte e a disfrutar en toda a súa esencia da actividade física en espazos naturais. 

viernes, 16 de diciembre de 2016

CARREIRA DE CAMPO A TRAVÉS EN A BAÑA. 12-01-2017

Xa temos data da competición escolar que organiza a AD Escolarix e pertence ao programa Xogade de campo a través, será o xoves á volta das vacacións de Nadal, día 12 de xaneiro ás 11 da mañán. 

Como vén sendo habitual acudiremos ao encontro deportivo das carreiras escolares cos cursos de Primaria (de 2º a 6º) e ESO (1º e 2º). 

Enviadas as autorizacións pertinentes, agardamos que o tempo acompañe e poidamos disfrutar dun bo día de actividade física.


viernes, 6 de mayo de 2016

Resultados da fase intercomarcal de atletismo. Pobra 23/04/2016

Disputada un sábado e acudindo 11 atletas do CPI a Picota, a fase intercomarcal de atletismo nas categorías benxamín e alevín pechouse por esta tempada. Queda pois, coñecer os clasificados para a fase provincial que se celebrará no campo da Fieiteira en Ribeira, o día 21 deste mes de maio.

O noso alumnado tivo unha boa xornada de tarde, con temperatura soleada que axudou a disfrutar das diferentes probas e estar animando aos compañeiros cando lles tocaba participar.

No tocantes aos resultados, mostramos un documento onde se poden ver as marcas de cada atleta, en función da proba e categoría na que lle tocou formar parte.



viernes, 29 de enero de 2016

Campo a través - Negreira.


 Outro ano máis disputouse a proba de campo a través da comarca do Xallas, pertencente ao Programa Xogade onde se encadran as competicións deportivas en idade escolar.
Despois de atrasala por dúas ou tres veces e a contrarreloxo, pois esgotábanse as datas, celebrouse o luns 18 de xaneiro no circuito de Negreira, a carón do colexio.
O tempo dounos unha tregua e correuse finalmente sen chuvia, comezando polos benxamíns as 11:00 e finalizando os cadetes arredor das 12:40.
Cabe destacar a gran participación do noso cole con case 100 rapaces e rapazas que non se amedrentaron polo tempo nin pola distancia a percorrer.
Desde o CPI A Picota seguimos animando a ser cada ano máis participantes, disfrutar das carreiras e a preparar as probas xa que iso permitiríanos seguir avanzando nas carreiras e coñeceríamos novos circuitos, lugares, compañeiros así coma outras fases da competición.
Agradecemos a tódolos atletas o seu esforzo e convidámolos a participar o ano que vén (aínda que tamén nos queda o atletismo en pista).


Negreira 2015.16 from Ismael Priegue Mayo on Vimeo.

lunes, 6 de abril de 2015

Atletismo escolar en Santiago

Fai xa un mes que o CPI A Picota acudiu a Santiago para participar nos campionatos escolares de atletismo en pista (XOGADE 2014/15).
Alí experimentamos as diversas probas das que consta este deporte, nalgunhas como membros activos e noutras como espectadores, ben observando ou apoiando aos compañeiros/as. 
O 14 de marzo resultou unha xornada interesante, onde o bo tempo e un ambiente deportivo total fixeron do deporte escolar un día para recordar, e para non esquecernos adxuntamos a continuación un vídeo e os resultados nas probas onde tiñamos atletas.

Resultados



Atletismo 14.03.2015 from Ismael Priegue Mayo on Vimeo.