viernes, 5 de mayo de 2017

CAMPO A TRAVÉS. FASE INTERCOMARCAL EN OUTES. 27.01.2017

O mes de xaneiro foi o protagonista nas competicións de campo a través de Xogade, pois neste mes disputáronse as dúas fases nas que soemos participar.

Foi en Outes, nun día de chuvia constante e nun circuito moi propio de campo a través,  o que convertiu esta proba en dura polas condicións climáticas e do medio; sen que isto impedise que os nenos/as disfrutasen da xornada e participasen na carreira coas maiores ambicións posibles.

Dos 11 alumnos/as anotados só puideron participar 6, xa que houbo moitas baixas por enfermidade nesa semana.

O 18 de febreiro disputarase a fase provincial na Pobra do Caramiñal, sen acadar ningún alumn@ do centro clasificado.

Podemos ver os clasificados da proba de Outes premendo no seguinte enlace.

APUNTES DE CONDICIÓN FÍSICA

Aquí poderedes ver unha presentación sobre aspectos importantes da condición física e algúns conceptos teóricos do que debemos saber para potenciar a saúde no noso corpo a través da actividade física.
Recomendamos botar un ollo a estas imaxes e tamén ler o artigo de colleita propia que se presenta despois da presentación, posto que complementa a información explicando de xeito máis cotía cales son as bases do exercicio físico e que actividades son as máis indicadas, durante canto tempo se deben facer e as posibilidades segundo cada entorno.

APUNTES DE CONDICIÓN FÍSICA

Apuntes presentacion condición física y salud 3ºeso de neodgs


ARTIGO DE ACTIVIDADE FÍSICA E SAÚDE


jueves, 9 de marzo de 2017

XORNADAS DEPORTE ESCOLAR INTERCENTROS

Retomouse a iniciativa das xornadas deportivas con outros colexios da zona. Así, desta ocasión o martes 7 de marzo tocoulle ao CPI de Zas darnos unha visita para xogar ao balonmán, baloncesto, brilé e fútbol sala. 
Debido a inestabilidade da climatoloxía, tivemos que cambiar as instalacións do centro polas do pabellón deportivo do Concello, que moi amablemente nos posibilitou a última hora dispor dun espacio adecuado para que o alumnado de 3º e 4º de Educacion Primaria de ambos centros  disfrutara dunhas xornadas de práctica deportiva intercentros.
Participación exitosa e satisfactoria segundo as opinións dos nenos/as que agardan que estes encontros se repitan máis a miúdo ....e facéndolles caso,o vindeiro martes devolveremos a vista a Zas con alumnado de 5º e 6º.


lunes, 16 de enero de 2017

XOGADE. CAMPO A TRAVÉS. A BAÑA 12.01.2017

Disputouse desta volta a fase comarcal de campo a través en A Baña, cun percorrido moi fermoso e indicado para estas idades. A carón do campo de fútbol marcaron un circuito delimitado polas cintas que guiaba perfectamente aos participantes ata completar a súa distancia e voltar a liña de saída que se convertía en chegada despois.

Un día nublado onde a chuvia non apareceu ata a parte final da competición, os nenos e neas puideron disfrutar deste deporte en toda a súa esencia, posto que a organización do evento permitíalles participar nas carreiras,por suposto, tamén visualizar as zancadas de outros compañeiros/as e ao mesmo tempo quentar e xogar libremente no campo de fútbol.

Na cita presentouse o equipo do CPI  A Picota con 51 alumnos/as de Primaria e 24 da ESO, acompañados por 5 mestres. Saímos do centro sobre as 10:00 hrs. chegando xusto xa para o comezo das probas e voltando ao cole sobre as 13:30 os de Primaria para o comedor escolar e sobre as 14:00 hrs. os alumnos/as de Secundaria, xa listos para rematar a xornada.

No tocante ao grado de satisfacción dos participantes, cremos que resultou do seu agrado a experiencia, de forma xeral e máis gratificante foi para aqueles corredores/as que lograron clasificarse para a vindeira fase intercomarcal de campo a través, a cal se celebrará na Serra de Outes o venres 27 de xaneiro.
 
Xa cos resultados e clasificados no noso poder, informamos de que acudiremos a Outes con 11 atletas, case que un por categoría de base e un equipo en Infantil femenino. Nas categorías de maiores (cadetes) non logramos clasificarnos.

Noraboa a tódolos atletas e coma sempre, convidámolos a seguir practicando este deporte e a disfrutar en toda a súa esencia da actividade física en espazos naturais. 

viernes, 16 de diciembre de 2016

CARREIRA DE CAMPO A TRAVÉS EN A BAÑA. 12-01-2017

Xa temos data da competición escolar que organiza a AD Escolarix e pertence ao programa Xogade de campo a través, será o xoves á volta das vacacións de Nadal, día 12 de xaneiro ás 11 da mañán. 

Como vén sendo habitual acudiremos ao encontro deportivo das carreiras escolares cos cursos de Primaria (de 2º a 6º) e ESO (1º e 2º). 

Enviadas as autorizacións pertinentes, agardamos que o tempo acompañe e poidamos disfrutar dun bo día de actividade física.


OBRADOIRO PRÁCTICO DE TENIS DE MESA CO AD ZAS

O AD Zas propuxo dar no pavillón de A Picota, unhas sesións prácticas de tenis de mesa para acercar este deporte ao alumnado, darlle visibilidade, coñecemento técnico e informativo de onde, cando e quen pode acudir a estas actividades.

Eran 4 monitores/as con paridade, todos eles e elas competidores dos diferentes circuitos galegos, demostrando así que hai categorías e competicións de tódalas cores.

Tras unha pequena exhibición de dúas xogadores (con un currículo envexable), tocoulle aos alumnos/as participar e tomar contacto con este deporte. Se ben cos primeiros raquetazos non mostraban moito convencemento das súas capacidades (algo normal), xa no final da sesión esbozaban un gran sorriso e o seu interese maioritario por participar nas clases que o club imparte no Concello.

Xa que estamos, desmiuzamos toda a información que nos deron, dicindo que o noso concello, así como  a maioría da zona, ofrecen actividades de tenis de mesa dous días a semana no pavillón, podendo anotarse desde os 8 anos todos aqueles nenos/as que o desexen. O horario será de 19 a 21 hrs. e impartirán as clases os monitores do AD Zas.