viernes, 29 de enero de 2016

Campo a través - Negreira.


 Outro ano máis disputouse a proba de campo a través da comarca do Xallas, pertencente ao Programa Xogade onde se encadran as competicións deportivas en idade escolar.
Despois de atrasala por dúas ou tres veces e a contrarreloxo, pois esgotábanse as datas, celebrouse o luns 18 de xaneiro no circuito de Negreira, a carón do colexio.
O tempo dounos unha tregua e correuse finalmente sen chuvia, comezando polos benxamíns as 11:00 e finalizando os cadetes arredor das 12:40.
Cabe destacar a gran participación do noso cole con case 100 rapaces e rapazas que non se amedrentaron polo tempo nin pola distancia a percorrer.
Desde o CPI A Picota seguimos animando a ser cada ano máis participantes, disfrutar das carreiras e a preparar as probas xa que iso permitiríanos seguir avanzando nas carreiras e coñeceríamos novos circuitos, lugares, compañeiros así coma outras fases da competición.
Agradecemos a tódolos atletas o seu esforzo e convidámolos a participar o ano que vén (aínda que tamén nos queda o atletismo en pista).


Negreira 2015.16 from Ismael Priegue Mayo on Vimeo.

miércoles, 2 de diciembre de 2015

CAIXÓN DAFIS

 Esta semana comezamos coa valoración da condición física, dentro do programa DAFIS do Plan Proxecta para todos os cursos de Primaria. Durante unha semana e media os rapaces/zas da Picota mediranse, pesaranse, farán probas de velocidade, flexiblidade, resistencia, forza manual, salto horizontal a pés xuntos e suspensión de brazos obtendo uns valores que despois se contrarrestarán coa media de Galicia, aportando unha información subxectiva do nivel de condición física.  Estes datos serven para facer un seguemento da súa evolución na etapa de Primaria e ver que factores foron os que fixeron variar os resultados, se así fose o caso.





Para máis información sobre isto, fai clic aquí.

miércoles, 25 de noviembre de 2015

Coñecer o meu corpo


Os obxectivos desta unidade Lim son:

As partes corporais posibilidades de acción
Vivenciar  ton muscular (contración-descontración, global-segmentaria).
Fases da respiración.
Normas básicas de hixiene e coidado do corpo.

Premer na foto para comezar a actividade.




HOQUEI

Para saber moitos sobre os diferentes modalidades de hoquei, normas e as súas equipacións.
Premer na foto para comezar (está en idioma catalán pero intuitivamente darás feito, seguro que si).





Baloncesto LIM

Aquí podedes facer unha actividade que vos levará a coñecer a teoría, o reglamento e aspectos técnicos de baloncesto.
Premer na imaxe  para comezar:




miércoles, 29 de abril de 2015

PARTICIPACIÓN EN GALICIA SAUDABLE -VALORACIÓN DA CONDICIÓN FÍSICA

 PLAN ESTRATÉXICO PARA O FOMENTO DA ACTIVIDADE FÍSICA


O plan quere promover o hábito da práctica regular de actividade, consciente da importancia da súa práctica na infancia, principalmente no ámbito educativo e familiar. Por iso avoga por traballar nos ámbitos educativos e no estímulo ás familias para lograr a adquisición de hábitos saudables entre os máis pequenos, ao tempo de lograr estender a concepción do exercicio físico como unha ferramenta de saúde.

Os primeiros pasos deste proxecto foron dados cando se coñeceu dun informe sobre sedentarismo e actividade física que será o punto de partida para se elaborará un Plan estratéxico para o fomento da actividade física e a creación dun Observatorio da práctica deportiva e a alimentación saudable.

Incorpóranse intervencións e accións concretas en diferentes áreas que van desde o eido político, pasando polo educativo e sanitario, o propio de promoción ou as intervencións sistemáticas con programas específicos de actividade física.

No eido dos centros educativos, serán os mestres especialistas  de Educación Física os que de forma voluntaria leven a cabo unhas valoracións e probas con test de condición física a todo o alumnado durante toda a etapa de Primaria, estes datos obtidos serán gardados nun ficheiro informático (os que asinaran o consentemento), co fin de valorar a evolución do alumnado na a etapa e así poder establecer un seguemento individualizado.

Á vez, tamén podemos contrastar estas informacións con outros centros educativos situados noutros entornos diferentes ao noso e concluír niveis de actividade física segundo o tipo de zona ou área dos participantes.

A longo prazo, tentaremos por toda esta información a disposición dos Servizos de Saúde, coa finalidade de que os facultativos teñan os datos da duración nun exercicio físico prolongado, probas de forza, potencia do tren inferior, flexibilidade, etc... e así no caso de algunha emfermidade común como asma ou sobrepeso marcar as pautas que eles consideren oportunas. 


Neste enlace web da PLATAFORMA DAFIS poderás ver as probas propostas. (entrar no enlace e facer clic en descargas).




lunes, 6 de abril de 2015

ATLETISMO - MODALIDADES

Aquí imos expor varias presentacións sobre algunhas das modalidades que traballamos na aula sobre o atletismo.
As presentacións conteñen información sobre as normas, o modo de execución ou a historia destas modalidades.

SALTO DE ALTURA




PROBAS DE RESISTENCIA

 

PROBAS DE VELOCIDADE