DEPORTE NA AUGA

Dentro das actividades propostas no Proxecto  Deportivo de Centro (PDC) tentamos ofertar a máxima variedade de actividade física para o noso alumando, na medida do posible, e da man do Concello que se presta; acudimos a desfrutar dunha xornada pasada por auga.

Desta vez tocoulles a 6º EP e 1º ESO mollarse e chapuzar un algo.

Fomos camiñando ata aló e despois dunhas indicacións sobre normas e usos na piscina, tocou cambiarse en seguida para tirarse ao vaso.

Dividimos a hora da que dispuxemos en tres exercicios en grupo:

• un quecemento facendo ximansia na auga.
• exercicios de flotablidade e desprazamento.
• xogo libre.

Creo que a xornada foi interesante e agardamos repetir, xa que o alumnado pasouno ben e mostraron ter boa actitude.

preme aquí para ver máis fotos

Camiña en bici á escola

Dentro do Proxecto Deportivo de Centro no que estamos inmersos como parte do Plan Proxecta da Consellería de Educación da Xunta de Galicia fixemos unha actividade enmarcada neste ámbito que tiña por obxectivo familiarizrse coa bicicleta e ao mesmo tempo cos accesos ata o cole desde a contorna máis próxima.
Este ano, que era novidade no centro esta actividade, tratamos de facer un percorrido pola zona, deseñado polo técnico de deportes do Concello de Mazaricos.

Preparounos camiños doados, sen dificultade ningunha e tratando de non usar a estrada xeral, aínda que si a tivemos que cruzar nun par de ocasións, sempre coa axuda de Protección Civil que ía abrindoe pechando a ruta.

Fomos o alumnado de 4º e 5º  de EP e 2º ESO, xuntando un total de 44 alumnos/as  acompañdos por 3 mestres e o Nito Estalote (técnico do Concello) na bici e PRotección Civil con dous coches e 3 voluntarios.

A actividade tivo moi boa acollida e agardamos poder continuar con ela, así como tamén se agarda potenciar o uso da bici nos entornos rurais e tentar deseñar rutas seguras e atractivas para os mozos/as e que poidan usar este medio de transporte para as súas actividades cotiás...e como non, para vir ao cole sempre que o acceso sexa seguro e posible.

Previa á saída o alumnado fixo traballos sobre a bicicleta e o tema do Plambe, os inventos, sobre quen a inventou, sobre a roda...etc.

Aproveitamos tamén, xa que tiñamos as bicis para facer circuitos e probas nas sesións de Educación Física, co fin de mellorar o noso equilibrio sobre ela e ter máis habilidades que nos permitan aumentar a confianza sobre o sillín.


MOITAS GRACIAS AO CONCELLO DE MAZARICOS, A TRANSPORTES GONZÁLEZ E A PROTECCIÓN CIVIL, por facernos pasar a todos/as unha boa xornada de bici.

preme aquí para ver as fotos da saída

FASE INTERCOMARCAL DE ATLETISMO

Fomos o pasao sábado, 1 de abril a Noia para participar nas probas da fase intercomarcal de atletismo co CPI A Picota, tal e como vén sucedendo nestes últimos anos.

Dentro desta fase, hai varias datas onde os rapaces/zas son convocados en diferentes fins de semana segundo a categoría, pois os benxamíns (2007 e 2008) e alevíns (2006 e 2005) van nas mesmas datas e os infantís van noutras diferentes.

Un total de 12 atletas do noso centro decidiron ser valentes e probar as experiencias destas modalidades do atletismo, algunhas delas totalmente descoñecidas para moitos e que sucitou o interese por saber a normativa e o material de uso.

Participamos en disciplinas como lanzamento de peso, salto de lonxitude, carreiras de velocidade, de media distancia..., en definitiva, todas aquelas que a eles lles gustaban.

No tocante a tarde deportiva, esta dicurriu sen incidencias e co goce dos participantes, máis se cabe cando os resultados acompañaron pero sobre todo debemos destacar a excelente xornada de convivencia entre atletas, compañeiros, adestradores e o deporte nunha tarde soleada e que a ben seguro será de recordo para moitos dos nosos alumnos/as.

preme aquí para ver tódalas fotos da xornada de atletismo

CAMPO A TRAVÉS. FASE INTERCOMARCAL EN OUTES. 27.01.2017

O mes de xaneiro foi o protagonista nas competicións de campo a través de Xogade, pois neste mes disputáronse as dúas fases nas que soemos participar.

Foi en Outes, nun día de chuvia constante e nun circuito moi propio de campo a través,  o que convertiu esta proba en dura polas condicións climáticas e do medio; sen que isto impedise que os nenos/as disfrutasen da xornada e participasen na carreira coas maiores ambicións posibles.

Dos 11 alumnos/as anotados só puideron participar 6, xa que houbo moitas baixas por enfermidade nesa semana.

O 18 de febreiro disputarase a fase provincial na Pobra do Caramiñal, sen acadar ningún alumn@ do centro clasificado.

Podemos ver os clasificados da proba de Outes premendo no seguinte enlace.

Casificados  Outes

Reportaxe fotográfica en Outes

APUNTES DE CONDICIÓN FÍSICA

Aquí poderedes ver unha presentación sobre aspectos importantes da condición física e algúns conceptos teóricos do que debemos saber para potenciar a saúde no noso corpo a través da actividade física.
Recomendamos botar un ollo a estas imaxes e tamén ler o artigo de colleita propia que se presenta despois da presentación, posto que complementa a información explicando de xeito máis cotía cales son as bases do exercicio físico e que actividades son as máis indicadas, durante canto tempo se deben facer e as posibilidades segundo cada entorno.

APUNTES DE CONDICIÓN FÍSICA

Apuntes presentacion condición física y salud 3ºeso de neodgs

ARTIGO DE ACTIVIDADE FÍSICA E SAÚDE

XORNADAS DEPORTE ESCOLAR INTERCENTROS

Retomouse a iniciativa das xornadas deportivas con outros colexios da zona. Así, desta ocasión o martes 7 de marzo tocoulle ao CPI de Zas darnos unha visita para xogar ao balonmán, baloncesto, brilé e fútbol sala. 

Debido a inestabilidade da climatoloxía, tivemos que cambiar as instalacións do centro polas do pabellón deportivo do Concello, que moi amablemente nos posibilitou a última hora dispor dun espacio adecuado para que o alumnado de 3º e 4º de Educacion Primaria de ambos centros  disfrutara dunhas xornadas de práctica deportiva intercentros.

Participación exitosa e satisfactoria segundo as opinións dos nenos/as que agardan que estes encontros se repitan máis a miúdo ....e facéndolles caso,o vindeiro martes devolveremos a vista a Zas con alumnado de 5º e 6º.

preme aquí para ver máis fotos 

XOGADE. CAMPO A TRAVÉS. A BAÑA 12.01.2017

Disputouse desta volta a fase comarcal de campo a través en A Baña, cun percorrido moi fermoso e indicado para estas idades. A carón do campo de fútbol marcaron un circuito delimitado polas cintas que guiaba perfectamente aos participantes ata completar a súa distancia e voltar a liña de saída que se convertía en chegada despois.

Un día nublado onde a chuvia non apareceu ata a parte final da competición, os nenos e neas puideron disfrutar deste deporte en toda a súa esencia, posto que a organización do evento permitíalles participar nas carreiras,por suposto, tamén visualizar as zancadas de outros compañeiros/as e ao mesmo tempo quentar e xogar libremente no campo de fútbol.

Na cita presentouse o equipo do CPI  A Picota con 51 alumnos/as de Primaria e 24 da ESO, acompañados por 5 mestres. Saímos do centro sobre as 10:00 hrs. chegando xusto xa para o comezo das probas e voltando ao cole sobre as 13:30 os de Primaria para o comedor escolar e sobre as 14:00 hrs. os alumnos/as de Secundaria, xa listos para rematar a xornada.

No tocante ao grado de satisfacción dos participantes, cremos que resultou do seu agrado a experiencia, de forma xeral e máis gratificante foi para aqueles corredores/as que lograron clasificarse para a vindeira fase intercomarcal de campo a través, a cal se celebrará na Serra de Outes o venres 27 de xaneiro.

 

Xa cos resultados e clasificados no noso poder, informamos de que acudiremos a Outes con 11 atletas, case que un por categoría de base e un equipo en Infantil femenino. Nas categorías de maiores (cadetes) non logramos clasificarnos.

Noraboa a tódolos atletas e coma sempre, convidámolos a seguir practicando este deporte e a disfrutar en toda a súa esencia da actividade física en espazos naturais. 

preme aquí para ver todas as fotos da carreira